Hewlêr (Rûdaw) - Civîna girtî ya Parlamentoya Tirkiyeyê ya taybet a li ser "gefên Îsraîlê" dest pê kir.
Wezîrê Karên Derve û Wezîrê Parastinê yê Tirkiyeyê li ser tehdîtên Îsraîlê yên li ser Tirkiyeyê de zanyariyan didin parlamenteran.
Serokkomarê Tirkiyeyê Recep Tayyîp Erdogan 1ê Çiriya Pêşîn a 2024an di merasîma vekirina parlamentoyê ragihandibû ku piştî Filistîn û Libnanê Îsraîl dê êrişî Tirkiyeyê bike.
Serokê Partiya Gel a Komarî (CHP) li ser vê yekê daxwaz ji Serokê Parlamentoya Tirkiyeyê Numan Kurtulmuş kiribû ku li parlamentoyê rûniştineke girtî û nihênî were pêkanîn û berpirsên hikumetê li ser gefên Îsraîlê zanyariyan bidin parlamentoyê.
Serokê Parlamentoyê Numan Kurtulmuş çend roj berê ragihandibû ku ew civîn dê 8ê Çiriya Pêşîn a 2024an bê kirin.
Bi destpêkirina rûniştinê Wezîrê Karên Devre yê Tirkiyeyê Hakan Fîdan û Wezîrê Parastinê yê Tirkiyeyê Yaşar Guler dê di Civîna Giştî ya Parlamentoya Tirkiyeyê de biaxivin û zanyariyan bidin parlamentoyê.
Gotarên civîna nehênî ya Parlamentoya Tirkiyeyê ya taybet a li ser Îsraîlê dê 10 salan wekî nihêniyeke dewletê wera parastin û neyê belavkirin.
Her wiha nabe parlamenterên di civînê de amade bûbin naveroka wê civînê eşkere bikin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse