Erdogan li benda aliyên siyasî ye ku tevlî nivîsandina destûreke sivîl bibin
Hewlêr (Rûdaw) - Parlamentoya Tirkiyeyê piştî bêhnvedana havînê deriyê xwe vekir û gotûbêjên li ser Destûra Bingehîn a nû jî dest pê kirin.
Ev demeke ku desthilata Tirkiyeyê, behsa destûreke nû dike û biryare vê mehê seredana aliyên siyasî bike.
Heyama nû ya Parlamentoya Tirkiyeyê di bin nîqaşên destûra bingehîn a nû de dest pê kir.
Serokkomarê Tirkiyeyê Recep Tayyip Erdogan di axavtina xwe ya vekirina parlamentoyê de bang li mixalefetê û civakê kir ku beşdarî kar û xebatên nivîsandina “destûreke sivîl û demokratîk” bibin.
Erdogan got, “Niha li pêşiya me erk û derfeteke nû heye. Ew jî piştî salên destpêkê yên komara me ji bo welatê me nivîsandina destûreke nû û sivîl e.
Ev destûra niha ku di nav 41 salan de biçûk mezin zêdeyî 20 caran hatiye guhertin û bûye bexçikeke pînekirî, di sala 2023an de têra Tirkiyeyl nake.”
Parêzerê mafên mirov û nivîskar Mehmet Guzeler jî dibêje rast e pêwîstî bi destûreke nû heye lê divê wekî yên berê Kurd neyên înkarkirin û nasname û zimanê Kurdî di destûra nû de cîh bigre.
Li gorî xala 66emîn a Destûra Bingehîn a Tirkiyê pênaseya welatîbûnê wiha hatiye kirin û di serî de Kurd hebûna hemû milletên din hatiye înkarkirin:
“Hemû kesên ku welatiyên dewleta Tirkiyê ne Tirk in. Zarokên bav an jî dayikên wan Tirk, Tirk in.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse