Rêveberiya Xweser banga danûstandinên Sûrî - Sûrî li Hikûmeta Sûriyê dike
Hewlêr (Rûdaw) - Rêveberiya Xweser a Bakur û Rojhilatê Sûriyê tekeziyê li ser destpêşxeriya xwe ya diyaloga bi Hhikûmeta Sûriyê re dike û tekez dike ku take rêya çareseriyê ji bo krîza Sûriyê, diyaloga Sûrî - Sûrî ye.
Hevserokatiya Encûmena Cîbicîkar a Rêveberiya Xweser, daxwazê ji Komkara Erebî dike ku di vê derbarê de, xwedî roleke çalak be. Cîgirê Hevserokatiya Encûmena Cîbicîkar a Rêveberiya Xweser dibêje k ku ev destpêşxerî, nexşerêyek e ji bo çareseriyê bi awayekî ku berjewendiya gelê Sûriyê û pêkhateyên wî bê garantîkirin.
Berpirsên Rêveberiya Xweser a Bakur û Rojhilatê Sûriyê, ji nêzîkî hefteyekê ve, tekeziyê li ser destpêşxeriya xwe ya diyaloga ligel Hikûmeta Sûriyê dikin û dûpat dikin ku take rêya çareseriyê ji bo krîza Sûriyê, diyaloga Sûrî – Sûrî ye.
Cîgirê Hevserokatiya Encûmena Cîbicîkar a Rêveberiya Xweser Hemdan El-Ebid daxwazê ji Komkara Erebî dike ku di vê derbarê de, xwedî roleke kara û aktîv be.
Cîgirê Hevserokatiya Encûmena Cîbicîkar a Rêveberiya Xweser Hemdan El-Ebid anî ziman, “Em di Rêveberiya Xweser de çaverê ne ku ev diyalog Sûrî – Sûrî be, li gorî destpêşxeriya ku Rêvebeirya Xweser ragihandiye, ji bo diyalogê ligel hêzên demokrat û hikûmeta Sûriyê, da çareyeke Sûrî hebe, piştgir be ji biryara 2254 re, herwiha pêwîst e Komkara Erebî bi roleke aktîv rabe ji bo çareya krîza Sûriyê li gorî vê destpêşxeriyê û li gorî biryara 2254. Ne pêkan e krîza Sûriyê di encama lihevhatinên navbera dewletan bê çareserkirin, lê belê ew pirseke navxweyî ye, ne pirseke derekî ye.”
Cîgirê Hevserokatiya Encûmena Cîbicîkar a Rêveberiya Xweser Yasir Silêman jî tekeziyê li ser wê yekê dike ku çareya nîştimanî take bijardeya li pêş hemû aliyên Sûrî ye.
Cîgirê Hevserokatiya Encûmena Cîbicîkar a Rêveberiya Xweser Yasir El-Silêman got, “Çareya nîştimanî bijarde ye. Çi civînên ku bibin jî, eger projeyên nîştimanî dûr bixin, êdî wê civînên neserkeftî bin, em li wê destpêşxeriyê dinêrin ku Rêveberiya Xweser pêşkêş û pêşniyar kiriye ku ew nexşerêyek e ji bo çareseriyê. Ew destpêşxeriyeke nîştimanî ye, şayisteyê sererastkirin û pêşxistinê ye, bi awayekî ku berjewendiya gelê Sûriyê û pêkhateyên wê garantî bike, ji bo nehîştina krîzê û vegera koçberan û jinûveavakirina Sûriyê.”
Roja Sêşemê 18ê Nîsana 2023an, Rêvebeirya Xweser a Bakur û Rojhilatê Sûriyê destpêşxeriyek ragihand, û tê de daxwaz kir ku Hikûmeta Sûriyê û aliyên din ên wî welatî, dest bi proseya diyalogê bikin, ji ber ku bi gotina wan, tenê bi diyalogê çareyê ji krîza wî welatî re tîne.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse