Hewlêr (Rûdaw) - Çavkaniyên ewlehiyê yên Sûriyeyê ragihand ku artêşa Îsraîlê 25 kîlometreyan nêzikî Şama paytexta Sûriyeyê bûne.
Li gorî nûçeya Reutersê, Îsraîlê herêma tampon a li sînorê Îsaraîl-Sûriyeyê bi dest xistiye.
Her wiha Reutersl ragihand ku ji doh êvarê ve Îsraîlê li gelek bajarên Sûriyeyê êrişî baregehên artêşa Sûriyeyê kiriye û heta 25 kîlometreyan nêzikî Şamê bûye.
Ev operasyona Îsraîlê 2 rojan piştî rûxandina rejîma Beşar Esed hat û di nav Sûriye, welatên herêmê û cîhanê de bû sedemea nîgeraniyan.
Çavkaniyeke ewlehiyê ya Sûriyeyê diyar kir ku leşkerên Îsraîlê 10 kîlometreyan ketine nav axa Sûriyeyê û gihîştine bajarê Qatanayê yê Sûriyeyê.
Li aliyê din, Îsraîl diyar kir ku ew ê mudaxeleyî şerê li Sûriyeyê nekin û bidestxistina herêma tampon pêngaveke parastinê ye.
Misir, Qeter û Erebîstana Siûdî êriş şermezar kirin. Erebistana Siûdî da zanîn ku ev gav dê "hêza Sûriyê ya vegerandina ewlehiyê têk bibe."
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse