Hewlêr (Rûdaw) – Hejmara Filistiniyên ku li Xezeyê di êrişên İsraîlê de hatine kuştin derket 25 hezar û 105an.
Li gorî amarên Wezareta Tenduristiyê ya Filistînê ya li Xezeyê, di êrişên artêşa Îsraîlê de 178 Filistîniyên din jî hatin kuştin û hejmara kuştiyan gihişt 25 hezar û 105an.
Li gorî heman amaran, 293 Filistînî jî hatin birîndarkirin û hejmara birîndaran derket 62 hezar û 681ê.
Hat ragihandin ku piştî êrişan gelek birîndar hîn di bin kavilan de ne û tîmên parastinê nikarin xwe bigihînin wan.
Hemasê 7ê Çiriya Pêşîna 2023yan êrişî Îsraîlê kir û bi sedan Îsraîlî hatin kuştin.
Li gorî artêşa Îsraîlê, piraniya wan sivîl bûn û heman rojê nêzîkî 250 Îsraîlî jî hatin dîlgirtin.
Îsraîlê piştî vê yeke êrişî Hemasê kir û niha jî êrişên xwe li navenda Xezeyê didomîne.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse