Hewlêr (Rûdaw) - Neteweyên Yekbûyî (NY) ragihand pêş dibînin ku li Xezeyê nîvê nifûsê ango ji milyonekê zêdetir mirov dê nîvê tîrmehê de bimirin û bi birçîbûnê re rû bi rû bimînin.
Kordînatorê Alîkariya Acil ê Alîkarê Sekreterê Giştî yê ji Karên Mirovî Berpirsyar ê NYyê Martin Griffiths ji bo bangî welatên G7ê bike daxuyaniyeke nivîskî da.
Martin Griffiths bi bîr xist ku nûnerên welatên G7ê sibe dê li Îtalyayê bên ba hev û diyar kir ku li Sudan, Xeze û cihên cuda rikeberî ji kontrolê derketine.
Griffiths destnîşan kir ku ji ber şer bi milyonan mirov bi birçîmanê re rû bi rû ne û mirov êdî ji birçîna dimirin.
“Li Sudanê 5 milyon kes bi birçîmanê re rû bi rû ne”
Griffiths got:
“Em pêş dibînin ku li Xezeyê nîvê nifûsê ango ji milyonekê zêdetir mirov dê nîvê tîrmehê de bi mirin û birçîbûnê ra rû bi rû bimînin.
Li Sudanê jî 5 milyon kes bi birçîmanê re rû bi rû ne.”
Griffiths destnîşan kir ku hem li Xezeyê hem jî li Sudanê xebatên alîkariyên însanî tên astengkirin û got:
"Divê ev yek biguhere. Kêliyekî me jî divê beredayî neçe."
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse