Hewlêr (Rûdaw) - Partiya Welatparêzên Kurdistanê (PWK) Serokkomarê Komara Kurdistanê Qazî Mihemed bi bîr anî û got, “Helwesta Pêşewa Qazî Mihemed ya bi rûmet û nesîhetên wî îro jî di têkoşîna azadîya Kurdistanê de rêya me rohnî dike.”
78 sal berê, rojeke wekî îro Serokkomarê Komara Kurdistanê Qazî Mihemed û çend hevalên li Mehabadê hatin bidarvekirin.
PWKyê îro peyamek di salvegera bidarvekirina Pêşewa Qazî Mihemed de belav kir û bidarvekirina wî û hevalên wî şermezar kir.
“Hişmendiya Kurdistanî pêşkêşî me dike”
Peyama PWKyê wiha ye:
“Jiyan, helwest , şexsiyet, wasîyet û parastinnameya li mahkemê ya Pêşewa Qazî Mihemed di eslê xwe de rêbaz û hişmendiya Kurdistanî pêşkêşî me dike.
Wasiyet û parastinnameya Pêşewa Qazî Mihemed ji bo îro jî wazîfeyên me yên neteweyî û dîrokî nîşanî me didin.
Gelê Kurdistanê dê Pêşewa Qazî Mihemed û şehîdên Kurdistanê ji bîr neke.
“Îro jî rêya me ronî dike”
Helwesta Pêşewa Qazî Mihemed a bi rûmet û nesîhetên wî îro jî di têkoşîna azadiya Kurdistanê de rêya me ronî dike.
Em di salvegera 78emîn a bidarvekirina wan de Pêşewa Qazî Mihemed û hevalên wî û hemû şehîdên Kurdistanê bi giramî bi bîr tînin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse