Hewlêr (Rûdaw) - MHP û DEM Partiyê cara ewil li Enqerê cejna hev pîroz kir.
Partiyên siyasî di roja duyemîn a Cejna Remezanê de cejna hev pîroz dikin û di çarçoveya pêvajoya ku piştî banga serokê MHPyê Devlet Bahçelî dest pê kir, heyetên MHP û DEM Partiyê cara yekem li Enqerê cejna hev pîroz kirin.
Heyeteke MHPyê çû serdana DEM Partiyê kir û heyeteke DEM Partiyê jî Navenda Giştî ya MHPyê ziyaret kir.
Sekreterê Giştî yê MHPyê Îsmet Bûyûkataman di serdana Navenda Giştî ya DEM Partiyê de wiha got:
"Îro cejn e, rojek e ku dostî û biratî serdest e.
Em wekî MHP di vê cejnê de bi erêkirin û tasarufa cenabê Serokê Giştî yê me yelpazeya xwe gelekî fireh dikin.”
"Em dixwazin bi hemû partiyên siyasî re cejnê pîroz bikin"
Wekî ku hûn dizanin CHPyê got ku wê bernameya pîrozbahiyê betal kiriye û li Stenbolê bernameyeke cuda pêk tîne.
Ji xeynî wê, em dixwazin bi qismet be bi hemû partiyên siyasî re cejnê pîroz bikin.
Di wê çarçoveyê de me DEM Partî ziyaret kir. Înşallah em dê cejnê bi awayekî xweş pîroz bikin.
"Em ê bi hev re roja ku dilmayîn bi dawî bin idrak bikin"
Em dê bi hev re rojên ku neyartî û hêrs bi dawî dibin, deriyên dostaniyê ji nû ve vedibin û hiqûqa biratiyê xurtir dibe, derbas bikin.
Ji bo qebûlkirina we spas dikim. Di vê navberê de, ez dixwazim silav û pîrozbahiyên cejnê yên Serokê me yê Giştî jî bînim ziman.
Duyemîn hevdîtina cejnê jî bi serdana şandeya DEM Partiyê ya lio Navenda Giştî ya MHPyê pêk hat.
“Lêgerina aştiyeke hêja heye”
Berdevka DEM Partiyê Partiyê Ayşegul Dogan ku serokatiya şandeya DEM Partiyê dikir, wiha got:
"Kiryarên antîdemokratîk didomin. Lêgerina aştiyeke hêja berdewam dike.
Divê Tirkiye vê sedsalê ji dest nede, winda neke. Ji bo ku Tirkiye bibe welatekî demokratîk û adil, divê rîsk jî bên bertarafkirin.
Ev di heman demê de demên bi rîsk in. Ji ber vê yekê îradeya bi biryar a we ya wekî partî, wekî bloka desthilatdariyê dê xwedî wate û nirxek mezin be.
Êdî gotin hatin gotin, gotinên ku nayên bipaşxistin hatin gotin. Divê bêyî derengî gotin bên cih."
“Îqnakirina mirovan ne hêsan e”
Alîkara Serokê Giştî yê MHPyê Zuhal Topçuyê jî wiha got:
“Hûn xîtabî civakeke mezin dikin. Tiştekî hêsan nîne. Razîkirina mirovan, destpêkirina xebatê ne hêsan e.
Destpêkirin girîng e lê divê mirov bêne razîkirin. Ev yek qet ne hêsan e.
Divê mirov di pêvajoyê de lez neke. Birêz Devlet Bahçelî, wekî serokekî siyasî û mirovekî şehrezayî ku di dîroka cîhanê de şopeke xwe hiştiye, înşallah bi saya we jî em dê encamên gelek baş bibînin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse