Şaredariya Bêdlîsê li ser 35 hezar donim erd projeya enerjiya rojê bi cih kir/Wêne: AA
Hewlêr (Rûdaw) - Şaredariya Bedlîsê li gundê Ximiçûrê panelên enerjiya rojê danîne elektrîkê jê hildiberîne.
Şaredariya Bedlîsê li ser 35 hezar donim erd projeya enerjiya rojê bi cih kiriye û ji sedî 75ê pêwîstiya xwe ya elektrîkê ji wê derê dabîn dike.
Şaredarê Bedlîsê Nesrullah Tanglay da zanîn:
“Me ev proje sala 2019an dabû destpêkirin û niha 2,1 megawatt enerjiya rojê tê berhemanîn.
Ev der 75 hezar metre çargoşe ye û em 35 hezar metre çargoşeyê wê ji bo enerjiya rojê bi kar tînin.”
Şaredariya Bedlîsê bi vê projeyê xerciyên enerjiyê kêm kirine û wî pereyê ji bo xizmetguzariyên din bi kar tîne.
“Em dê hemû enerjiya şaredariyê ji vê derê dabîn bikin”
Şaredarê Bedlîsê Nesrullah Tanglay her wiha anî ziman:
“Em niha ji sedî 75ê enerjiya Şaredariya Bedlîsê ji vê derê dabîn dikin.
Di plan û projeya me de megawatekê din heye.
Înşallah em dê hemû enerjiya şaredariyê ji vê derê dabîn bikin û xerciyên enerjiyê dê di berîka şaredariyê de bimîne.”
Li Bakurê Kurdistanê ji ber bihabûna elektrîkê di salên dawî de bi taybetî di sektora pîşesazî û çandiniyê de projeyên enerjiya rojê gelekî zêde bûne.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse