Hewlêr (Rûdaw) – Alî Manazê ku 30 salan di girtîgehên Tirkiyeyê de ma hat berdan.
Herwiha hat zanîn ku beriya 6 mehan cezayê Manaz bi dawî bûye lê berdana wî hatibû taloqkirin.
Manaz, sala 1993yan li navçeya Cêlikana Semsûrê ya Bakurê Kurdsitanê hat girtin.
Bi hinceta “xirabkirina yekîtî û yekparçeyiya dewletê” cezayê girtina heta hetayî lê hat birîn.
Manaz, piştî ku 30 salî di çend girtîgehên cuda ma ji Girtîgeha Tîpa F a Ewlehiya Bilind a Tekîrdagê hate berdan.
Li gorî nûçeya MAyê, Komeleya Piştevanî û Alîkariyê ya bi Malbatên Girtî û Hikumxwaran re ya Marmarayê (MATUHAYDER) û xizmên wî ew li ber girtîgehê pêşwazî kir.
Beriya 6 mehan berdana Alî Manaz hatibû taloqkirin.
Alî Manaz dema ji girtîgehê derket got:
“Moralê hevalên me yên girtî li gorî pêvajoyê gelekî baş e.
Gelek silavên hevalên me hebûn, xwestin ez ragihînim. Hêviya me ew e ku hemû heval derkevin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse