Di êrişa DAIŞê de 5 Pêşmerge şehîd bûn

Hewlêr (Rûdaw) - Li bajarokê Kuleco yê Silêmaniyê şeva borî çekdarên DAIŞê êrişî Hêzên Pêşmerge kir û di êrişa DAIŞê de 5 Pêşmerge şehîd bûn û 4 Pêşmerge jî birîndar bûn.

Peyamnêrê Rûdawê li Germiyanê Huner Hemîd ragihand, çekdarên DAIŞê şeva derbasbûyî saet 10.45 li devera Tepî Telan ê ser bi bajarokê Kuleco yê Silêmaniyê ve ji du aliyan ve êrîşî sengerên Hêzên Pêşemerge kir.

Cîgirê Fermandeyê Lîwaya 5emîn a Pêşmerge Eqîd Bextiyar Bêserî ji Rûdawê re ragihand ku Pêşmerge tûşî şerekî dijwar bûn û wan hêza piştîvan jî şand.

Fermandarê Lîwaya 5emîn a Piyade Merîwan Azad jî ji Rûdawê re got, “Di dema bi hawarçûnê de mayineke vedayî bi wesayîteke Pêşmerge ve hat teqandin.”

 

Di êrişa DAIŞê de 5 Pêşmerge şehîd bûn

Bêtir: https://t.co/D630zlLut1 pic.twitter.com/cjw1SRwNoo

— RudawKurdi (@RudawKurdi) November 28, 2021

 

Huner Hemîd da zanîn ku di destpêkê de çekdarên DAIŞê teqe li bingeheke pêşmerge kirine, pêşmergeyek birîndar bûye, piştre otomobîlên serbazî ku ambulans diçin wê bingeha serbazî û birîndar rakirine ku bibin nexweşxaneyê, di dema vegerê de çekdarên DAIŞê mayînke li ser rê dadinên û bi otomobêla Pêşemerge de diteqe.

Wezareta Pêşmerge birîndarbûna 4 pêşmeregeyan ragihand. Lê piştre şerekî dijwar derket.

Bi gotina peyamnêrê Rûdawê di encamê teqînê de 5 pêmergeyan canê xwe ji dest dane û 4 pêşmergeyên din jî birîndar bûne.

Navên pêşmergeyên di êrişa DAIŞê de şehîd bûn: Îsmaîl Mihemed Ferec, Neberd Seîd, Emîn Husên, Îbrahîm Baram û Aras Semîn.

DAIŞê êrişî Hêzên Pêşmerge kir: 5 şehîd, 4 birîndar

⚫️Fermandarê Mîhwera Germesêr a Hêzên Pêşmerge Mehmûd Sengawî bo #Rûdaw`ê: Çekdarên DAIŞê ji navçeyên hêzên Iraqî tên û êriş dikin

Bêtir: https://t.co/D630zlLut1 pic.twitter.com/iCejTeAv8x

— RudawKurdi (@RudawKurdi) November 28, 2021

 

Peyamnêrê Rûdawê Huner Hemîd herwiha da zanîn ku pêşmergeyek jî ji teqînê bi birîndarî rizgar bû û niha li nexweşxaneyê tê dermankirin û got, “Şofêrê wesayîtê û pêşmergeyek bi birîndarî rizgar dibin, lê çekdarên DAIŞê derdora 20 guleyan li wî Pêşmergeyî didin û şehîd dikin. Şofêr jî xwe digehîne nav cokeke avê de û pişt re bi birîndarî xwe digehîne bingeheke hêzên Asayişê. Piştre li gel birîndarên din digihînin nexweşxaneyê.”

Hat zanîn ku pêşmergeyên şehîd bûne xelkê navçeya Şarezûr in.

 

Cihê êrişa DAIŞê û ew wesayîta ku bombe pê ve hat teqandin

⚫️Di êrişa DAIŞê de 5 Pêşmerge şehîd bûn û 4 Pêşmerge jî birîndar bûn

Zanyariyên li ser êrişa DAIŞê: https://t.co/D630zlLut1 pic.twitter.com/ug4eYVgk4v

— RudawKurdi (@RudawKurdi) November 28, 2021

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger