Li Wan, Mûş, Colemêrg, Bedlîs û Erdexanê berf dibare

Hewlêr (Rûdaw) - Li parêzgehên Wan, Mûş, Colemêrg, Bedlîs û Erdexanê yên Bakurê Kurdistanê berf dibare.

Li Wanê berfê berê sibehê dest pê kir û bandoreke neyînî li jiyanê kir.

Li navçeya Elbakê ya Wanê pez ji zozanan daket govan, meşa mirovan zehmet bû.

Mûş

Li Mûşê ji ber berfa zêde rêyên 23 cihan hatine girtin.

Li deverên bilind ên navçeyên Dêrxas û Gimgimê berfeke zêde bariya û çûn û hatin zehmet bû.

Ekîbên trafîkê ji ajokaran xwest ku di otomobîlên wan de xelat û zincîr hebin.

Colemêrg

Barîna berfê şeva borî dest pê kir û berfê navenda bajêr spî kir.

Xelkê ber dikanên xwe malişt û otomobîlan di derketina serjorekan de zehmetî kişand.

Li navçeya Geverê jî gel berfa li ser rêyan û li ser otomobîlan malişt.

Bedlîs

Navçeya Xelatê bi berfê spîçil bû.

Zarok bi gulokên berfê lîstin.

Berfa ku serê sibehê dest pê kir heta niha jî dibare.

Erdexan

Li parêzgeha Erdexanê ya Bakurê Kurdistanê berf û pê re jî mij heye.

Navenda bajêr spî bû û ji ber mijê mesafeya dîtinê daket.

Li parêzgeha Erdexanê ya Bakurê Kurdistanê berf û mij e

📸AA pic.twitter.com/ARRpnnhdBA

— RudawKurdi (@RudawKurdi) December 27, 2024

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger