Hewlêr (Rûdaw) - Li parêzgeha Erdexanê ya Bakurê Kurdistanê di encama teqîna tankeke qîrê ya kompanyayeke taybet de 2 jê giran 4 karker birîndar bûn.
Li gor zanyariyan di demjimêrên nîvro yên roja Pêncşemê 27ê Nîsana 2023an li navçeya Dêmal a Erdexanê, tankeke qîrê ya kompanyayeke avahîsaziyê ji ber sedemek nediyar teqiya.
Di bûyerê de 2 jê giran 4 karker birîndar bûn. Li ser agahdarkirinê tîmên tendirustî çûn cihê bûyerê û birîndar rakirin Nexweşxaneya Dewletê ya Erdexanê.
Piştî midaxeleya destpêkê 2 karker ji ber dijwariya birînên xwe bo Erzeromê û 1 ji wan bo Trabzonê û yê din jî bo beşa şewatan a nexweşxaneya bajareke din hat şandin.
Hat ragihandin hêzên ewleakriya Tirkiyê derbarê bûyerê de lêkolîn dane destpêkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse