Hewlêr (Rûdaw) – Fermandarê Lîwaya 5an a Pêşmergeyan Kawe Xerîb ragihand ku Heşdî Şebî bi temamî ji germiyanê vekişiyaye û niha rewş aram e.
Milîsên Heşdî Şebiyê doh bi çekên giran çûne parzûngeheke Petrolê ya li Germiyanê.
Heşdî Şebî ketibû Parzûngeha Qemerê ya li bajarokê Kulecoyê û piştî demeke vekişiyabû.
“Rewş bi temamî normal e”
Fermandarê Lîwaya 5an a Pêşmergeyan Kawe Xerîb li ser rewşa dawî ya Germiyanê ragihand:
“Rewşa li Kulecoyê bi tevahî normal bûye, çekdarên Heşdî Şebiyê li herêmê nemane.”
Kawe Xerîb diyar kir ku Heşdî Şebiyê piştî vekişînê tiştekî din ê nelirê nekiriye û got:
“Niha hêzên lîwayên 5 û 17an ên Wezareta Pêşmergeyan û Polîsên Gaz û Petrolê li gundê Seyd Midrîk û herêmên li derdorê bi cih bûne.”
Fermandarê Operasyonan ê Heşdî Şebiyê yê Diyaleyê Talîb Musewî jî doh li ser bûyerê ji Rûdawê re gotibû:
“Çûne me ji bo operasyoneke leşkerî bû û em bi kordînasyona bi Pêşmergeyan re çûn.
Me bi rêya dronan tesbît kir ku li wê herêmê DAIŞî hene û me bi hevahengiya bi Pêşmergeyan re ev operasyon kir.”
Divê were gotin ku Pêşmergeyan îdiayên “hevahengiyê” red kiribûn.
“Armanca wan dagirkirina bîrên petrolê ye”
Li hêla din, Alîkarê Fermandarê Lîwaya 9an a Pêşmergeyan Nasir Mihemed ragihandibû ku Heşdî Şebî ketiye herêma wan jî û paşê vekişiyaye û got:
“Ti hevahengiya wan nebû bi me re. Armanca wan tenê dagirkirina bîrên petrolê ye.”
Heşdî Şebiyê xwe negirt û vedikişe
— RudawKurdi (@RudawKurdi) August 25, 2024
🛑 Dema vedikişîn nîşana zaferê dikin û #Pêşmerge jî nîşana "têkçûnê" nîşanî wan dide pic.twitter.com/52BzO0xhNM
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse