Hewlêr (Rûdaw) - Îro şandeya ENKSyê li bajarê Qamişloyê yê Rojavayê Kurdistanê bi nûnerê Fransayê re dicive.
Hewldanên Amerîka û Fransayê yên ji bo yekrêziya Kurdên Rojavayê Kurdistanê berdewam dikin.
Çavkaniyeke taybet ji Rûdawê re ragihand ku "Civîna ENKSyê ya bi nûnerê Fransayê re ji bo berdewamiya hewlên yekrêziya Kurdan e."
Fermandarê Giştî yê Hêzên Sûriyeya Demokratîk (HSD) Mezlûm Ebdî û ENKS doh li hev civiyabûn.
Hat zanîn ku civîn li Hisîçayê (Hesekê) li baregeheke Amerîkayê hatiye kirin.
Li gorî agahiyên ku Berdevkê ENKSyê Feysel Yûsif dane Rûdawê, “Civîn baş derbas bûye.”
Feysel Yûsif da zanîn ku “Hevpeymaniya Navnetweyî ya li Dijî DAIŞê (Koalîsyon) beşdarî civînê bûye” û dê civîneke din jî were kirin.
Çavkaniyeke taybet li ser vê mijarê ji Rûdawê re got, "Heta niha soza civîna duyem a ENKSyê ya bi Mezlûm Ebdî re nehatiye destnîşankirin."
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse