Kurdistan
Cejna Noelê, her sal ji aliyê piraniya Xirîstiyanên cîhanê ve di 25ê Kanûna Pêşiyê de tê pîroz kirin
Hewlêr (Rûdaw) – Partiya Welatparêzên Kurdistanê (PWK) bi nêzîkbûna cejna Noelê re peyameke pîrozbahiyê belav kir.
PWK dibêje Kurdistan welatê miletê Kurd û hemû pêkhateyên Kurdistanê ye.
Cejna Noelê, her sal ji aliyê piraniya Xirîstiyanên/Mesîhyên cîhanê ve di 25ê Kanûna Pêşiyê de tê pîroz kirin.
PWKyê jî cejna tevahiya Xiristiyanên Kurdistan û cîhanê bi peyameke pîrozkir.
Peyama PWKyê wiha ye:
“Em weke Partiya Welatparêzên Kurdistanê cejna Noelê ya xiristiyan/mesîhiyên cihanê û bi taybetî jî cejna Noelê ya mesîhiyên Kurdistanê pîroz dikin.
PWK, mafên hemû pêkhateyên Kurdistanê yên etnîkî û û olî wekî mafekî wan ên xwezayî û esasî dibîne û diparêze.
Kurdistan welatê miletê Kurd û hemû pêkhateyên Kurdistanê ye. Kurdistan cih û warê pêkvejiyana kultur, ol û bawerîyên cihêreng e.
PWK vê rastîyê weke zengînî û dewlemendîya Kurdistanê dibîne.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse