Kurdistan
Wêneyê her 4 xortên ku bi sedema jehrîbûna bi gazê li Rojhilatê Kurdistanê jiyana xwe ji dest dane.
Hewlêr (Rûdaw) – Li bajarê Birûcêrd ê Rojhilatê Kurdistanê 4 kesên genc bi sedema jehrîbûna bi gazê di malekê de jiyana xwe ji dest dane.
Rêveberê Hawarçûnên Pizîşkî li Parêzgeha Loristanê, Mehdî Xeybî ragihandiye, ew 4 kes li taxa Çil Dezge ya bajarê Birûcêrdê jiyana xwe ji dest dane û sedem jî jehrîbûna wan kesan bi gaza malan e.
Rêveberê Saziya Tendirustiya Birûcêrdê, Mesûd Kerîmî jî dibêje, her 4 kesên ku di bûyerê de jiyana xwe ji dest dane genc in, xizmên hev û endamên malbatekê ne.
Li gor medyaya fermî ya Îranê, navê wan xortan wiha ye; Riza Şahwêrdî, Elî Mulkî, Hemîd Sefer Beyranwend û Mihemed Sefer Beyranwend.
Termên her çar xortan îro Sêşembê 22ê Adara 2022an li Goristana Darulselam a Birûcêrdê hatin veşartin.
Li gor amarên pizîşkiya dadê ya Loristanê, di 9 mehên dawiyê yên sala bihorî de 15 kesan li sînorê wê parêzgehê bi sedema jehrîbûna bi gaza malan jiyana xwe ji dest dane.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse