Li Batîfa ji ber nexweşiyê bi sedan bizin mirar bûne

Zaxo (Rûdaw) - Li bajarokê Batîfa yê ser bi navçeya Zaxo ya parêzgeha Duhokê ve nexweşiyek di nava bizinan de belav bûye, û di dema şeş rojan de 160 bizin mirar bûne.

 

Li gor amarên Veterneriya Batîfayê, di dema mehekê de nêzîkî hezar serên ajelî li wê navçeyê mirar bûne û bi vê yekê jî bi qasî 150 hezar dolaran ziyan gihîştiye ajeldarên wê navçeyê.

 

Pizîşkên veterneriyê dibêjin, nexweşiya Lerzik sedema mirarbûna bizinan li bajarokê Batîfayê ye.

 

Ajeldar, Salih Xalid Mihemed dibêje, zêdetirî 400 pezên wî hebûne, lê derdora 160 ser pezên wî mirar bûne. Ew ajeldarê xelkê Batîfayê dide xuyakirin ku rojane 10 heta 12 pezên wî nexweş diketin, ku wan hinek serjê dikirin û hin ji wan jî mirar dibûn.

 

Ajeldar Mistefa Dirbas jî dibêje ku ji ber nexweşiyê hejmarek ji pez û bizinên wî jî mirar bûne û tekez kir, pizîşk dibêjin di laşê pez de kurm heye. Mistefa Dirbas dide zanîn ku wî nêzîkî 2 milyon dînaran bo dermankirina pezên xwe xerc kiriye, lê heta niha bê encam bûye.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger