Piştî 3 mehan ava Elok gehîşt Hesekê

Hewlêr (Rûdaw) - Piştî qutbûna nêzîka 3ê mehan ava Elok gehişt bajarê Heseke û gundewarê wê.

Hevserokê Rêveberiya Ava Heseke Îsa Yûnis ragihand, piştî qutbûna nêzîka 3ê mehan ava Elok gehişt bajarê Heseke û gundewarê wê, ku ji liyê grûpên çekdar ên ser bi Tirkiye li Serê Kaniyê hatibû qutkirin.

Di Temûza borî de, hêzên Tirkiye û grûpên çekdar ên opozisyona Sûriyê ava Sentrala Elok li nêzîkî bajarê Serê Kaniyê qutkiirbûn, ku ev 27 car dibin ava Ellok li ser Heseke tê qutkirin.

Wêstgeha Elok

Wêstgeha Elok 24 bîran li xwe digire û 12 pompên wê yên asoyî hene. Di rewşa asayî de derdora 70 hezar metre sêca rojane avê dide.

Birrîna ava Wêstgeha Elok, bêhtir ji 1 milyon welatiyên Hesekê û gundewarê rojavayê wî bajarî, ji avê bêbehr dike.

Ji 9ê Cotmeha 2019 ve ku Tirkiyê û grûpên çekdar navçeya Girê Spî û Serê Kaniyê dagîr kirin, heta niha bêhtir ji 30 caran ava Wêstgeha Elok li rojavayê bajarê Serê Kaniyê, ji aliyê grûpên çekdar ve hatiye qutkirin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger