D 30mîn salvegera kuştina Musa Enter de, malbata wî li gel parlementerên HDPê û rekxistinên civaka sivîl li Amedê civîneke rojnamevanî lidar xistin
Hewlêr (Rûdaw) – Rewşenbîr û nivîskarê Kurd Mûsa Anter ango bi navê xwe yê tê naskirin “Apê Mûsa” li kolana hate kuştin hat bibîranîn.
D 30mîn salvegera kuştina Musa Enter de, malbata wî li gel parlementerên HDPê û rekxistinên civaka sivîl li Amedê li cihê ku hate kuştin kolana 442yan a Taxa Cumhuriyetê ya Semta Seyrantepeyê, civîneke rojnamevanî lidar xistin û ragihandin ku ew dê biçin Nisêbînê ser gora Mûsa Enter.
Hevseroka Komeleya Rojnamevanan a Dîcle Firatê Dîcle Muftuoglu amaje bi wê yekê kir dixwazin dawî li doza Mûsa Anter bînin û got, her çiqasî çinara rojnamevaniya Kurdan hatibe qetilkirin jî lê xwendekarên wî pênûsa wî li erdê nehiştine û berdewam kar dikin.
Hevseroka Komeleya Rojnamevanan a Dîcle Firatê (DFG) Dicle Muftuoglu dibêje: “Zanyar û mamosteyê rojnamevanên Kurd Musa Anter berî 30 salan wek îro li vê kolanê hat qetilkirin. Guleyên li wî hatin barandin bo ziman û heqîqeta xelkekî bûn. Xwestin bi vî awayî gelê Kurd bê ziman bihêlin û bêdeng bikin. Her çiqas çinara rojnamevaniya Kurdan hat qetilkirin lê xwendekarên wî pênûsa wî li erdê nehiştin û kar berdewam kirin. Wek Cengiz Altun, wek Gurbetteli Ersoz û wekî din.”
Îro Sêşemê 20ê Îlona 2022ê, 30 salên dosyeya kuştina Mûsa Anter ji aliyê JÎTEMê ve ku hêzek nihênî ya dewleta Tirkiyê di salên 90ê de bû, tije dibin û eger heye ji ber dembiserçûnê ew doz hilweşe.
Doza kuştina Musa Anter roja pênçşemaborî li 6mîn Dadgeha Cezayê Giran a Enqerê hatibû dîtin û lê li dadgehê ti biryarek derneketibû û rûniştina doza Musa Anter bo sibe 21ê Îlona 2022an ango rojek piştî dema qanûnî ya dozê hatibû paşxistin.
Dîcle Firatê derbarê dozê de jî got: “Sibê jî doza kuştina Apê Musa heye û dixwazin careke din wî qetil bikin û dozê bigrin. Di salên 90î de ji aliyê JITEMê ve hat kuştin û ev baş tê zanîn. Sibê encama dozê çi bibe bila bibe em wek berdewamiya Apê Musa ji bo darizandina kujeran em dê li ser têkoşîna xwe berdewam bin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse