Hewlêr (Rûdaw) - Li parêzgehên Wan û Semsûrê di 2 bûyerên trafîkê de 2 kesan canê xwe ji dest da û 5 kes jî birîndar bûn.
Li ser rêya di navbera Wan û Erdîşê de duh otomobîlek ji rê derket û qulibî.
Li ser agahdarkirinê tîmên tenduristiyê, polîs, cendirme û tîmên parastina sivîlan çûn cihê bûyerê.
Ji çar kesên ku di otomobîlê de bûn kesekî li cihê bûyerê canê xwe ji dest da.
3 kesên din ên birîndar jî veguhestin nexweşxaneyê.
Birîndarekî tevî hemû hewldanan jî li Nexweşxaneya Yuzunci Yilê ya Wanê canê xwe ji dest da.
Li Kolikê 3 kes birîndar bûn
Herwiha li navçeya Kolikê ya parêzgeha Semsûrê ya Bakurê Kurdistanê jî otomobîleke rêwiyan û pîkabek li hev qelibîn.
Di encama lihevqelibîna otomobîlek û pîkabekê de 3 kes birîndar bûn.
Li ser agahdarkirinê tîmên tenduristiyê û cendirme çûn cihê bûyerê.
Tîman bi ambulansan birîndar veguhestin Nexweşxaneya Dewletê ya Kolikê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse