Hewlêr (Rûdaw) Hevserokê Giştî yê DEM Partiyê Tuncer Bakirhan di “Mîtînga Cotkariyê” ya Qoserê diyar kir ku yên nanê xelkê didize desthilata niha ye.
DEM Partiyê îro li navçeya Qoserê ya Mêrdînê “Mîtînga Çandiniyê” li dar xist.
Siyasetmedar, nûnerên saziyên sivîl, cotkar û bi sedan xelk beşdarî mitîngê bûn.
Tuncer Bakirhan di mîtîngê de axivî û behsa polîtîkayên hikûmetê yên cotkariyê kir.
“Nikarin Tirkiyeyê îdare bikin”
Tuncer Bakirhan amaje bi krîza aborî ya li Tirkiyeyê û Bakirê Kurdistanê kir û wiha got:
Ger hûn di nava 22 salan de kurtejiyana Tirkiyeyê bikin, ne nan, ne kar, ne demokrasî û azadî heye. Gelo sedema vê rewşê kî ye?
Di 31ê Adarê de gelê Qoserê, gelê Mêrdînê, gelê Kurd û gelên Tirkiyeyê li ser sindoqan bertekek mezin dan vê feraseta ku nikare Tirkiyeyê îdare bike.
Wê demê em dê çi bikin ku em dê derseke mezintir bidin wan.
Em dê bi hêz bibin, em dê mezin bibin, em dê mafê xwe bixwazin, em dê têbikoşin ku berdêla keda xwe bi dest bixin.
Em dê têbikoşin ku hevalên xwe yên li girtîgehê azad bikin, bi zimanê xwe azad biaxivin û bi gelên li Tirkiyeyê re li Tirkiyeyeke demokratîk wekhev bijîn.
Hûn di navenda çandiniyê de ne, li gorî jimareyên TÛIKê enflasyon ji sedî 75 e. Yanî yên ku li Qoserê genim diçînin li gorî bihaya bingehîn a par ji sedî çend zêde bûye?
Ji sedî 10-12 zêde bû. Enflasyon ji sedî 75 bû. Li welatekî ku enflasyon ew qas zêde bûye, eger tenê nirxa bingehîn a genimê ku hûn hildiberînin ji sedî 10 zêde bikin, ev hikûmeta kê ye? Ne hûn, ne ya cotkaran e.
Çi dikin par mazot 24 lîre bû? Niha 47 lîre ye? Mazot ji sedî 100 zêde dibe, elektrîk ji sedî 20 zêde dibe, şîrketên avdaniyê ava ku didin ji sedî 60 heta 400 zêde dikin lê genimê Qoserê ji sedî 10 biha dikin.”
“Ev bê wîjdanî ye”
Tuncer Bakirhan di berdewamiya axaftina xwe de de amaje bi enflasyonê kir û wiha axivî:
“Ev dijminên cotkaran in, dijminên hilberîneran in, dixwazin cotkar axa xwe biterikînin, li metropolan bibin karkerên demsalî.
Wijdanê wan tune ye lewma kes nabêje. Bêrehm û bêwijdan in. Hikûmeteke ku guh nade hilberîner, karker û feqîran, dijminatiyê dikin.
Ey gelê Qoserê! Em dê li hemberî vê neheqiyê bêdeng bimînin? Hûn çêtir dizanin.
Kîloyek genim çiqas e? Buhayê kîloya genim nêzî 10 lîreyî ye. Bi çend lîreyan genim dikirin? Ji bo xatirê Xwedê, kîjan wijdan dikare vê yekê qebûl bike? “
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse