Hewlêr (Rûdaw) - Li navçeyên Gazîemîr û Bucayê yên Îzmîrê şeva borî agir bi daristanê ket û midexaleya ji hewa û bejahiyê ve berdewam e.
Parêzgarê Îzmîrê Suleyman Elban li ser medyaya civakî derbarê agirê li 2 navçeyan daxuyaniyek belav kir.
Li gorî daxuyaniya parêzgar, li navçeyên Gazîemîr û Bucayê agir bi daristanê ketiye û ji bo vemirandina agir 7 firoke, 23 helîkopter, 100 makîneyên kar, 19 tankêrên avê, traktoreke bi palet, 21 tankêrên mezin, 8 dozer, 13 TOMA, 69 tîmên yunus, 26 tîmên trafîkê, 98 tîmên sivîl, tenduristî û agirvemirandinê û 2 hezar û 172 karker hatine şandin.
Herwiha hat ragihandin ku agirê li navçeyên Bergama û Foçayê yên Îzmîrê hatiye kontrolkirin lê kar û xebatên sarkirinê berdewam in.
Li navçeya Gazîemîrê jî doh demjimêrên nîvro agir bi daristanê ketibû û ji ber agir geştên Balafirgeha Adnan Menderesê hatibûn rawestandin lê demjimêrên êvarê careke din geşt berdewam kirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse