ENKSê li Qamişlo banga Partiya Pêşverû gotûbêj kir

Qamişlo (Rûdaw) - Endamên Emîndariya Giştî yên Encumena Niştîmanî ya Kurd li Sûriyê (ENKS) îro li Qamişlo civiyan û banga Partiya Pêşverû û mijara destûra Sûrî gotîbêj kirin

 

Partiya Pêşverû bang li ENKS, TEV-DEM û hemû aliyên Kurdî kir ku, ji bo roja Pêncşema bê, li hev bicivin û pilanekê derbarê rewşa Rojavayê Kurdistanê deynin.

 

Endamên Emîndariya Giştî yên ENKSê îro Sêşemê (18.12.2018) li bajarê Qamişlo yê Rojavayê Kurdistanê civiyan û banga Partiya Pêşverû û mijara destûra Sûrî nirxandin

 

Li gorî jêderên taybet ên Rûdawê, ENKS beşdarî dê civînê nabe, û dê sibe daxuyaniyekê derbarê vê bang bide.

 

Li aliyê din di civîna ENKSê de behsa komîteya destûra Sûrî hate kirin û endamê emîndariya giştî Muhsin Tahir ragihand ku heta niha hikûmeta Sûriyê û Opozisyona Sûriyê li ser lîsteyên hatine kandîdkirin bo komîteya destûrî, nakok in.

 

Partiya Pêşverû dest bi çend gavên praktîkî kiriye, daku tevahiya aliyên siyasî bi berprisiyariya xwe rabin

 

Sekreterê Partiya Pêşverû Hemîd Hecî Derwêş daxwazê dike ku tevahiya aliyên Kurdî di roja 20 vê mehê de li bajarê Qamişlo bi hev re bicivin daku helwesteke yekgirtî li hember gefên Tirkiyê bê avakirin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger