HSDê li Dêrezorê çekdarekî DAIŞê girt

Hewlêr (Rûdaw) - Hêzên Sûriyeya Demokratîk (HSD) çekdarekî DAIŞê li bajarê Dêrezorê girtin.

Navenda Ragihandinê ya Hêzên Sûriyeya Demokratîk (HSD) ragihand ku hêzên wan li gundewarên bajarê Dêrezorê çekdarekî rêxistina DAIŞê girtine ku plana "êrîşên terorîstî" bo ser hêzên wan ên leşkerî û kadroyên saziyên xizmetguzariyê li navçeyê dikir.

Li gor navenda navborî, HSDê dest danî ser hejmarek çek, teqemenî û alavên peywendiyan jî.

Ev di demekê de ye ku di 6 mehên destpêkê yên îsal de 4 fermandarên DAIŞê û Qaîdeyê li navçeyên bakur û bakurê rojavayê Sûriyê ku di bin kontrola Tirkiyê de ne, ji aliyê Hevpeymaniya Navdewletî ya Dijî DAIŞ û HSDê ve hatine kuştin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger