Hewlêr (Rûdaw) – Li bajarên Amed û Rihayê yên Bakurê Kurdistanê di encama du qezayan de 11 kes birîndar bûn.
Li bajarê Rihayê, otobûsa rêwiyan û barhilgirek li hev qelibîn û 5 kes birîndar bûn.
Otobûsa rêwiyan a ku A.E. diajot û barhilgira C.U. diajot li ber gîşeya otorêya Riha-Dîlokê li hev ketin.
Ji ber qezayê otobûs wergeriya.
Di encama qezayê de 5 kes birîndar bûn û tîmên tenduristiyê ew veguhastin nexweşxaneyan.
Herwiha ji ber qezayê çûyîn û hatin bi kontrol dewam dike.
Li Amedê otomobîl û barhilgir li hev ketin
Li aliyê din li Amedê jî otomobîlek û barhilgirek li hev qelibîn.
Barhilgira ku şofêrê wê M.D. û otomobîla ku H.T diajot li navçeya Rezanê li hev ketin.
Di wê bûyerê de jî 6 kes birîndar bûn.
Tîmên tenduristiyê birîndar bi ambulansan veguhastin nexweşxaneyan.
Hat zanîn ku rewşa tenduristiyê ya birîndarekî xirap e.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse