Hewlêr (Rûdaw) - Di çarçoveya projeya “Qada Geşedana Jiyanê û Peyzaj a Dorûberê Çemê Muradê” de xebatên ku li dorûberên Pira Muradê ya dîrokî tên kirin û tê pêşbînîkirin ku bibin boneya geşbûna kerta geştyarî ya bajêr.
Li derdora Pira Muradê ya dîrokî ku 13 kîlomet re dûrî navenda bajjarê Mûşê ye û şopên mîmariya kevnar li ser hene, parqa zarokan, ciyê pêşangehê, parkurên macerayê, rêyên meşê û îskele hatin çêkirin. Bi wan xebatên ku dîmena derdorê pira dîrokî guherand ve armanc ew e ku turîzma bajêr geş bibe.
Waliyê Mûşê Îlker Gunduzoz bi daxuyaniyekê diyar kir ku bi weberhênanên dewletê, bajar bilez bi pêş de diçe û diguhere.
Îlke Gunduzoz bal kişand ku beşeke mezin a nifûsê bajêr, ciwan û zarok in û lewma jî di weberhênanan de ew yek li ber çavan tê girtin û wiha pê de çû: “Ji aliyê walîtiya me projeyeke sipehî hat cîbicîkirin. Me projeya rekreasyonê ya ji bo derdora Çemê Muradê ku xeyala me bû, pêk anî û ciwan û zarokên me dê sûdeke mezin jê bistînin.”
Gunduzoz herwiha da zanîn ku wan li herdu aliyên Çemê Muradê jî dar danîn û got, “Ez wisa difikirim, gava bihar hat û tesîsên sosyal jî ketin fealiyetê, bi hezaran kes dê dawiya hefteyê bên vê derê, heta însan dê ji parêzgehên nêzîk ên wekî Bedlîs û Ççewlîgê jî werin vê derê da ku bêhna xwe bidin û ji xwe re bigerin. Herwiha gelek kes dê bikaribin li vê derê bixebitin. Me projeya xwe bi awayekî fîzîkî temam kir.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse