Nûciwanekî 16 salî ji Şêxmeqsûd bo leşkeriyê hatiye birin

Hewlêr (Rûdaw) – Zarokek li taxa Şêxmeqsûd a Helebê ji bo leşkeriyê hate birin; dayîka wî zarokî dixwaze kurê wê bê vegerandin.

Li Taxa Şêx Meqsûd a Helebê ku piraniya niştecihên wê Kurd in, nûciwanekî 16 salî ji bo leşkeriyê hatiye birin, dayika wî bi rêya Rûdawê banga vegerandina kurê xwe dike.

Malbata nûciwanê ji Efrînê Welîd Fadil Îbrahîm ku li Şêx Meqsûdê dimîne, ji Rûdawê re got, kurê wan roja 9ê vê mehê ji aliyê Ciwanên Şoreşger ve li taxa Şêx Meqsûd Xerbî ji bo leşkeriyê hatiye birin.

Dayika Welîd, Fedîle Yûsif got, wî di atolyeke terzî de kar dikir û ew xwedî dikirin, niha ew nema dizanin wê çawa debara jiyana xwe bikin.

Heta niha gelek malbatî li Rojavayê Kurdistan bi rêya Rûdawê bûyerên wek vê ku Ciwanên Şoreşger zarokê wan birine ragihandine û daxwaz kirine ku zarokê wan werin vegerandin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger