Hewlêr (Rûdaw) - Li bajarê Amedê ya Bakurê Kurdistanê di dema derbasbûna wesayîta veguhestina polîsan de teqîn çêbû û di encamê de 9 polîs birîndar bûn.
Li gor agahiyan li bajarê Amedê îro Înê 16ê Kanûna 2022ê demjimêr 05:10 xûlekan de li ser rêya Mêrdîn û Amedê nêzîka Bazara Ajelan di dema derbasbûna wesayîta veguhestina polîsan de teqînek çêbû û di encam de 9 polîs birîndar bûne.
Li ser agahdarkirinê hejmarek zêde tîmên tendirûstiyê û hêzên emnî çûne cihê bûyerê û 9 polîsên birîndar bo nexweşxaneyan hatine veguhestin.
Wezîrê Navxwe yê Tirkiyê Suleyman Soylu li ser hesabê xwe yê Twîtterê derbarê bûyerê de peyamek belav kiriye û dibêje: "Li Diyarbekirê dema polîsên me bo karê xwe diçûn demjimêr 05:10an otomobîleke rawestiyayî bi wesayîta wan ve teqiyaye. Polîsên me yên birîndar bo nexweşxaneyan hatine veguhestin û tên dermankirin."
Herwiha Soylu ragihandiye ku 2 kes bi tohmeta vê teqînê hatine desteserkirin û lêkolîn berdewam e.
Daxuyaniya Parêzgariya Amedê
Parêzgariya Amedê di derbarê mijarê de daxuyaniyek belav kir û tê de ragihand ku 9 kes birîndar bûne.
Parêzgariya Amedê di daxuyaniya xwe de dibêje "roja 16.12.2022an demjimêr 05:10an de dema derbasbûna minibusa hêzên ewlehiyê wesayîta ku li kêla rê hatiye parkkirin hatiye teqandin êrişeke terorîstî pêk hatiye."
Li gorî daxuyaniya parêzgariyê 9 kesên ku di minibusa zirxî ya polîsan de bûne ji bo kontrolê rakirine nexweşxaneyan û ti metirsiya jiyanî li ser wan tineye.
Di heman daxuyaniyê hat ragihandin ku di derbarê mijarê de 2 kes hatine desteserkirin
Hêzên ewlekariyê li cihê teqîna îro ya li #Amed'ê
— RudawKurdi (@RudawKurdi) December 16, 2022
Di teqînê de 9 polîs birîndar bûne pic.twitter.com/QxmrV313iD
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse