Hewlêr (Rûdaw) - Serokwezîrê Herêma Kurdistanê li Silêmaniyê Cîgirê Wezîrê Karên Derve yê Îranê qebûl kir.
Foruma Silêmaniyê îro demjimêr 10:00an dest pê kir û dê sibe biqede.
Forum mêhvandariya gelek siyasetmedar û serkirdeyên bibandor dike.
Serokwezîrê Herêma Kurdistanê Mesrûr Barzanî jî tevlî forumê bû û li wir bi Cîgirê Wezîrê Karên Derve yê Îranê Seîd Xetîbzade re civiya.
Hikûmeta Herêma Kurdistanê li ser civîna Mesrûr Barzanî û Seîd Xetîbzade daxuyaniyek belav kir û ragihand:
“Di civînê de rewşa giştî ya Îraqê û herêmê û bipêşvebirina pêwendiyên Herêma Kurdistanê û Komara Îslamî ya Îranê hatin nîqaşkirin.
Her wiha tekezî li ser xurtkirina pêwendiyên dualî yên li ser bingeha berjewendiyên hevpar hat kirin.”
Di beşeke din a civînê de, “Gotûbêjên Komara Îslamî ya Îranê û Amerîkayê û girîngiya parastina ewlehî û aramiya herêmê” hatin nîqaşkirin.
Mesrûr Barzanî îro li Foruma Silêmaniyê di beşeke axaftina xwe de got:
“Îran lawaz nebûye, cîranê me ye, pêwendiyên me yên dostane bi Îranê re hene.
Li gel Amerîkayê jî dostaniya me heye û her tim piştgirên me ne.”
Serokwezîr her wiha anî ziman:
“Em rêzê li pêwendiyên xwe yên bi Îran û Amerîkayê re digirin.
Bi ti awayî ne di berjewendiya Kurdan de ye ku bibin beşek ji pirsgirêkê.”
Foruma Silêmaniyê mêhvandariya gelek siyasetmedar û serkirdeyên bibandor dike.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse