Hewlêr (Rûdaw) – Droneke artêşa Tirkiyê kêliyek beriya niha sînorê qezaya Şingalê bombebaran kir. Li gor agahiyan, di êrîşê de Encûmena Gel a Sinûnê hatiye armanckirin.
Peyamnêrê Rûdawê li Şingalê ragihand, îro Çarşemê 15ê Hezîrana 2022yan droneke Tirkiyê Encûmena Gel a Sinûnê bombebaran kir.
Çavkaniyekî ji nav Nexweşxaneya Sinûnê ji peyamnêrê Rûdawê Yûsif Rabih re ragihand, di êrîşa îro ya Tirkiyê de kuştiyek û 10 birîndar hene.
Li gor zanyariyên Rûdawê, kesê di êrîşê de jiyana xwe ji dest daye, zarokekî 10-11 salî ye.
Medyaya nêzîkî PKKê jî têkildarî êrîşê belav kiriye, ku droneke Tirkiyê du caran avahiya Encûmena Gel a Sinûnê bombebaran kiriye.
Wezareta Berevaniya Tirkiyê hêj derbarê êrîşê de ti agahiyek belav nekiriye.
#Şingal - Avahiya Encûmena Gel a #Sinûnê ya ser bi #PKK'ê ve piştî bombebarankirina ji aliyê droneke Tirkiyê ve
— RudawKurdi (@RudawKurdi) June 15, 2022
Zêdetir: https://t.co/FFc4lFdh35 pic.twitter.com/sDy8uclhIZ
Rêveberiya Xweser a Şingalê û Yekîneyên Berxwedana Şingalê (YBŞ) ku ser bi PKKê ve ne û li herêmê serdest in, hêj derbarê êrîşa Tirkiyê de ti daxuyanî nedane.
Herwiha hikûmeta Iraqê jî derbarê êrîşê de ti helwêstek nîşan nedane.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse