Ava gemarî ya kargehekê diherike nav Gola Wanê

Hewlêr (Rûdaw) - Li navçeya Erdîşê ya parêzgeha Wanê ya Bakurê Kurdistanê gemara kargeheke şekir diherike nav Gola Wanê.

Çalakvanên Gola Wanê dîmenên ava qirêj a wê kargehê belav kirin û wan xwest rayedar ji bo çareserkirina vê pirsgirêkê gavên pêwîst biavêjin.

Li gorî dîmenên ku ji aliyê Çalakvanên Gola Wanê ve hatine belavkirin, kargeheke şekir a ku sala 1989an li Erdîşê hatiye avakirin, heta niha ava gemar a ji wê kargehê derdikeve bêyî ku were parzûnkirin diherike nav Gola Wanê û zererê dide jîngeh û ajelan.

Çalakvanên Gola Wanê bi belavkirina wî dîmenî ji rayedaran daxwaz dikin ku ji bo wê pirsgirêkê gavên pêwîst biavêjin daku Gola Wanê bê parastin.

Van Gölü kıyısında 1989 yılında işletmeye açılan Erciş Şeker Fabrikası yıllardır doğrudan tüm atıklarını Van Gölü'ne dökmektedir. Yıllardır gerekli ödeneğin çıkartılmaması sebebiyle artırma tesisi yapılmıyor. Takipçimizin gönderdiği videoda konunun elzem olduğu görünmektedir. Bu… pic.twitter.com/2prAX7TtLY

— Vangölü Aktivistleri (@vangolakt) January 14, 2024

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger