Şemzînan – 3 roj qedexeya hatinûçûnê hat ragihandin

Hewlêr (Rûdaw) – Li navçeya Şemzînan a Colemêrgê li Bakurê Kurdistanê, li 1 gund û 3 mezrayan, bo heyama 3 rojan qedexeya hatinûçûnê hat ragihandin.

 

Walîtiya Colemêrgê îro di daxuyaniyekê de diyar kir, ku li 1 gund û 3 mezrayên girêdayî navçeya Şemzînanê qedexeya hatinûçûnê hatiye ragihandin.

 

Li gorî daxuyaniyê, qedexeya hatonûçûnê ji îro çarşemî saet 15:00ê piştî nîvro dest pê dike û dê heta 3 rojan berdewam be.

 

Di daxuyaniya walîtiyê de, gundê Altinsu û mezrayên girêdayî wî gundî, Dereboyu, Meydan û Elde weke herêmên qedexekirî hatiye ragihandin.

 

Walîtiya Colemêrgê herwiha amaje bi kuştina kandîdê Partiya Dad û Geşepêdanê (AK Partî) di hilbijartinên giştî yê 2015an de, Budak kiriye û destnîşan kiriye, bo gitina encamderê êrişê, hêzên ewlehiyê operasyon dest pê kirine.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger