Kurdistan
Serokê Herêma Kurdistanê Nêçîrvan Barzanî û Balyozê Qeterê yê li Iraqê Xalid Bin Hemed Elsilêtî îro Sêşembl 13ê Îlona 2022an li Hewlêrê civiyan. Wêne: KRP
Hewlêr (Rûdaw) – Serokê Herêma Kurdistanê û Balyozê Qeterê yê li Iraqê civiyan û vekirina konsulxaneya Qeterê li Hewlêrê gotûbêj kirin. Her du aliyan herwiha tekezî li ser pêşxistina peywendiyan û baştirkirina zemîneya hatina veberhênerên Qeterî bo Herêma Kurdistanê û Iraqê jî kirin.
Serokê Herêma Kurdistanê Nêçîrvan Barzanî, îro Sêşembê 13ê Îlona 2022an li bajarê Hewlêrê pêşwazî li Balyozê Qeterê yê li Iraqê Xalid Bin Hemed Elsilêtî kir û di hevdîtinekê de hin mijar gotûbêj kirin.
Li gor daxuyaniya Serokatiya Herêma Kurdistanê, di civînê de “têkiliyên Iraq û Herêma Kurdistanê bi Qeterê re, rewşa siyasî ya Iraqê û pêşhatên wê yên herî dawî, xebatên ji bo vekirina konsulxaneya Qeterê li Hewlêrê di paşerojê de, derfetên veberhênana Qeterê li Herêma Kurdistanê û amadekariyên Qeterê yên ji bo Kûpaya Cîhanî ya Futbolê ya 2022an gotûbêj kirin.”
Di daxuyaniyê de hatiye gotin, “her du aliyan tekez li ser xwesteka Qeter û Herêma Kurdistanê ji bo zêdetir pêşxistina têkiliyan û hevkariyên hevbeş û berhevkirina zemîneke xweş ji bo veberhênana Qeterê di sektor û warên cuda yên Herêma Kurdistan û Iraqê de kirin.”
Serokê Herêma Kurdistanê û Balyozê Qeterê yê li Iraqê di vê civînê de herwiha behsa giringiya geştên rasterast ên xeta asmanî ya Qeterê bo Iraq û Herêma Kurdistanê jî kirin.
Li gor Serokatiya Herêma Kurdistanê, “girîngiya aştî û aramiya siyasî li Iraqê ji bo tevahiya navçeyê û peywendiyên Iraq û Herêma Kurdistanê bi welatên cîran û herêmî re çend mijarên din ku ji bi her du aliyan giring bûn”, di civînê de hatin gotûbêjkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse