Navenda Nûçeyan – Li Bakurê Kurdistanê bajarê Kilîsê li devera ku baregeha leşkerî li wir e, agir bi konteyneran ket û cebilxaneyên leşkeran teqiyan.
Li gor daxuyaniya Parêzgariya Kilîsê, li ser rêya 15emîn kîlometreya navbera bajarên Kilîs û Dîlokê, 2 kîlometre nêzîkî Herêma Pîşesaziyê, ji ber sedemeke ne diyar agir bi konteynerên leşkeran ketiye.
Herwiha ji ber şewatê cebilxaneyên leşkeran teqiyane.
Rêya navbera bajarên Kilîs û Dîlokê hate girtin û gelek ambulans, tîmên rizgarkirinê û agirkuj çûn cihê bûyerê.
Ji ber teqînan agirkuj nikarin nêzîkî agirî bibin.
Herwiha ji ber bandora dûmana şewatê 10 leşker ber bi Nexweşxaneya Dewletê ya Kilîsê hatin veguhastin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse