Hewlêr (Rûdaw) - Bi biryara Serdozgeriya Komarê ya Rihayê, li 4 bajarên Tirkiye û Bakurê Kurdistanê bi hinceta "endamtiya PKKyê" 7 kes hatin desteserkirin.
Serdozgeriya Komarê ya Rihayê, bi hinceta "endamtiya PKKyê" derbarê 7 kesan de biryara girtinê da.
Hêzên ewlehiyê yên Tirkiyeyê di çarçoveya biryara serdozgeriyê de li parêzgehên Riha, Wan û Dîlokê yên Bakurê Kurdistanê û parêzgeha Edeneyê ya Tirkiyeyê operasyon kir.
Di operasyonan de bi hinceta “endamtiya PKKyê” 7 kes hatin desteserkirin.
Hêzên ewlehiyê kesên desteserkirî li heman parêzgehan birin fermandariyên cendirmeyan ên bajaran.
Li Tirkiye û Bakurê Kurdistanê, hêzên ewlehiyê rojane bi ser malan de digirin û bi “hinceta PKKyê” xelkê sivîl, çalakvan û siyasetmedarên Kurd desteser dikin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse