Hewlêr (Rûdaw) - Li beşeke Bakurê Kurdistanê sir û seqemê dest pê kiriye û sermaya dijwar bandoreke neyînî li jiyanê dike.
Navçeya Qamûşanê ya parêzgeha Qersê jî yek ji wan cihan e ku sermayeke zêde lê heye.
Li Qamûşanê serma dijwar e û ava çeman qeşa girtiye.
Xwêsî ketiye erdê û pez li ser xwêsiyê diçêre.
Şêniyê bi navê Suleyman Koç da zanîn ku bi şevê dinya gelekî sar e lê bi rojê piçekî paktir e.
Ne tenê Qers, Erdexan jî yek ji wan deran e ku sermayê kirasê xwe lê pêçaye.
Çemê Kurayê yê li parêzeha Erdexanê jî qeşa girtiye.
Sir û serma û seqem dijwar in lê xweza bi rengekî nû xemiliye û gelek kes diçin li wan deran wêneyan digirin.
Kadîr Ozer jî yek ji wan kesan e ku ji bo dîtina vê xwezaya bedew çûye wê derê.
Wî diyar kir ku Çemê Kurayê cemed girtiye û li pey çû:
“Em jî hatine vê derê da ku van dîmenên xweşik bibînin. Bi rojê tav heye lê êdî rojên dawî ne ji ber ku dê berf bibare.”
Tê texmînkirin ku îro li Erzirom û Qersê berf û li Wan, Sêrt, Sêwaz, Mereş, Êlih û Meletiyê jî baran bibare û îhtimala rabûna lehiyê heye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse