Hewlêr (Rûdaw) - Hat ragihandin ku mehane nêzikî 10 hezar ajelên mezin û biçûk bo Herêma Kurdistanê tên hawirdekirin.
Rêveberê Giştî yê Samanên Ajel û Veterêneriyê li Wezareta Kiştûkalî ya Herêma Kurdistanê ragihand ku mehane nêzikî 10 hezar ajelên mezin û biçûk bo Herêma Kurdistanê tên hawirdekirin û got: "Herî kêm jî bo Germiyan û Helebceyê tên hawirdekirin."
Rêveberê Giştî yê Samanên Ajel û Veterêneriyê li Wezareta Kiştûkalî ya Herêma Kurdistanê Azad Ehmed Elî ji Tora Medyayî ya Rûdawê re da zanîn ku hawirdekirina ajelên mezin û biçûk bo Herêma Kurdistanê li gor çavdêrî û hinek mercan pêk tê.
Azad Ehmed got, "Mehane 10 hezar ajelên mezin û biçûk tên hawirdekirin, bi pileya yekem ji Brezîlyayê tên ku zêdetir ajelên mezin in û piştre ji Gurcistanê ajelên biçûk tên hawirdekirin."
Azad Ehmed Elî diyar kir ku herî kêm bo parêzgeha Helebce û devera Germiyan tên hawirdekirin û got: "Li gor lîsteyekê hawirdekirina ajelan nêzikî ji 30 welatên cîhanê bo Herêma Kurdistanê qedexe ye."
Salana pêdiviya Herêma Kurdistanê bo goştê sor nêzîkî 85 hezar ton e.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse