Hewlêr (Rûdaw) – Balyozê Brîtanya li Iraqê êrişa şeva borî ya li ser Hewlêrê şermezar kir û ragihand, êrişeke din ya ku nayê qebûlkirin e û diyar e ku armanc sivîlan in.
Balyozê Brîtanya li Iraqê Mark Bryson Richardson di hesabê xwe yê Twîtterê de got, "Nabe Iraq bibe cihê pêşxistina tundûtujiyê."
Dije-Teror a Kurdistanê ragihnadibû, şeva borî di saet 21:35an droneke bombebarkirî li ser rêya Pîrmam û Hewlêrê êrîşek pêk anî û di encamê de 3 welatî bi sivikî birîndar bûn û ziyanên madî gihîştin xwaringehekê û çend otomobîlan.
Serokwezîrê Herêma Kurdistanê Mesrûr Barzanî piştî êrîşê bi Serokwezîrê Iraqê Mistefa Kazimî re bi telefonê axivî û li ser hesabê xwe yê Twitterê got, "Ji bo şerê li dijî kes û komên tawanbar di navbera Hewlêr û Bexdayê de hemahengiyeke baş heye."
Bi êrîşa şeva borî, di sal û nîvekê de 12 êrîş li Hewlêr û derdora wê hatine kirin. Herî dawî di 11ê Îlona 2021an de bêyî ku ti ziyanên canî çêbibin êrîşa bi dronan li ser Hewlêrê pêk hatibû.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse