Hewlêr (Rûdaw) - Li navçeya Elbakê ya Wana Bakurê Kurdistanê, du otomobîl wergeriyan coya avê û di encamê de 9 kes birîndar bûn.
Li navçeya Elbakê, li ser rêya Wan-Colemêrgê şeva borî li nêzîkî gundê Çûxê, du otomobîl ji rê derketin û wergeriyan coya avê ya li kêleka rê.
Di encama bûyerê de 9 kesên di her du otomobîlan de birîndar bûn.
Li ser agahdarkirinê tîmên tenduristiyê, parastina sivîl û AFADê û hêzên ewlehiyê çûn cihê bûyerê.
Tîmên parastina sivîl û AFADê 9 birîndar ji nav otomobîlan rizgar kirin.
Tîmên tenduristiyê birîndarên ku zarok jî di nav wan de hebûn veguhastin Nexweşxaneya Dewletê ya Elbakê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse