Hewlêr (Rûdaw) - Li parêzgeha Qersê ya Bakurê Kurdistanê, ji ber sedemeke nediyar agir bi bazara sebzeyan ket û 4 dikan şewitîn.
Li Bazara Sebzeyan a Qersê ya li Bulvara Huseyin Atakê, esnafên ku hest bi bêhn û dûxana agirê li banê dikanekê kir, tîmên agirvemirandinê agahdar kirin.
Li ser agahdarkirinê tîmên agirvemirandinê, tîmên tenduristiyê, hêzên ewlehiyê û tîmên elektrîkê çûn cihê bûyerê.
Agir bi bandora bê belav bû û gihişt 4 dikanan.
Tîmên agirvemirandinê di encama xebatan de agir vemirand.
Ji ber agir çar dikan şewitîn û wan dikanan zerer dît.
Derbarê bûyerê de lêpirsîn hat destpêkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse