Hewlêr (Rûdaw) - Li gundê Osiyan a navçeya Berwarî ya Sêrt a Bakurê Kurdistanê di encama teqîna mînekê de leşkerek birîndar bû û hat diyarkirin ku li herêmê operasyoneke berfireh hatiye destpêkirin.
Teqîna mînê îro Çarşemê 7ê Hezîrana 2023an di dema derbasbûna leşkeran de li derdora gundê Osiyan a Berwariyê qewimî. Di dema derbasbûna leşkeran de di encama teqîna mînekê de leşkerek birîndar bû.
Leşkerê birîndar bi helîkopterê birin Fermandariya Komando ya 3emîn a Sêrtê ji wir jî bi ambulansê birine Nexweşxaneya Perwerde û Lêkolînê ya Sêrtê.
Hat ragihandin ku rewşa tenduristiya leşkerê birîndar baş e.
Piştî teqînê li herêmê ji aliyê artêşa Tirkiyê ve operasyoneke berfireh hatiye destpêkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse