Hewlêr (Rûdaw) - Li gundekî Rihayê li Bakurê Kurdistanê, zarokê 4 salî ku televîzyon bi ser de ket canê xwe ji dest da.
Bûyer îro li gundê Ebû Hemadê yê ser bi navçeya Serêkaniyê ya parêzgeha Rihayê çê bûye û li gor agahiyên hatine belavkirin, zarokê bi navê Ferhat Çakmak ê 4 salî dema li malê dilîst televîzyon bi ser de ketiye.
Li ser agahdarkirinê, tîmên tendirustiyê çûne cihê bûyerê û Ferhat Çakmak, bo Newxeşxaneya Dewletê ya Serêkaniyê veguhestin.
Ji ber rewşa wî ya giran, Ferhat Çakmak paşê ji Newxeşxaneya Dewletê ya Serêkaniyê bo Newxeşxaneya Perwerde û Lêkolînê ya Rihayê hat veguhestin.
Çakmakê 4 salî teve hemû midaxaleyan canê xwe ji dest da.
Termê Çakmak ji bo karûbarên otopsiyê, bo Saziya Pizîşkiya ya Dadê ya Rihayê hatiye veguhestin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse