Li Wanê otobûs wergeriya

Navenda Nûçeyan – Li Wanê ji ber cemedê otobûsa rewiyan ji kontrolê derket û qulibî. Di encam de 2 kesan canê xwe ji dest da û 21 kes jî birîndar bûn.

 

Li gor agahiyan qeza îro Duşemê (05.02.2018) seat 04.30 li ser rêya navbera Wan û navçeya Erdîşê nêzîkî devera Tasmaliyê qewimî.

Otobûsa bi plakaya 34 YK 9983 ku ji Enqerê ber bi Wanê ketibû rê ji ber cemedê ji rê derket û qeza kir. Di encam de 2 kesan canê xwe ji dest da û 3 jê giran 21 kes jî birîndar bûn.

Piştî qezayê hejmarek ambulans û aliyên peywendîdar gihîştin cihê bûyerê. Birîndar ji aliyê tîmên bihawarveçûnê ve ji otobûsê hatin derxistin û bi ambulansan bo Nexweşxaneya Lêkolînê ya Zanîngeha 100. Yil a Wanê hatin veguhestin.

Hat ragihandin ku derbarê bûyerê de lêpirsîn hatiye destpêkirin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger