Hewlêr (Rûdaw) – Serokê Herêma Kurdistanê Nêçîrvan Barzanî dê serdana Bexdayê bike û bi Serokwezîrê Iraqê Mihemed Şiya Sûdanî re bicive.
Li gor zanyariyên Rûdawê, Serokê Herêma Kurdistanê dê di demjimêr 14:00 bigihe paytexta Iraqê bajarê Bexdayê û bi Serokwezîrê Iraqê Mihemed Şiya Sûdanî re hevdîtinê bike. Nêçîrvan Barzanî û Mihemed Şiya Sûdanî dê derbarê mijarên eleqedarî Hewlêr û Bexdayê de gotûbê bikin.
Her êvara îro Nêçîrvan Barzanî dê li Bexdayê beşdarî di Foruma Iraqê de bike û beşdarî panela bi navnîşana “Herêma Kurdistanê aliyekî çalak di qada niştimanî û navdewletî de” bike.
Her îro di duyemîn û roja dawî ya Foruma Iraqê de ku li Bexdayê birêve diçe, Serokwezîrê Iraqê Mihemed Şiya Sûdanî behsa siyasetên Iraqê, karên destpêkê û zehmetiyên li pêşiya wî welatî dike.
Di roja yekem a Foruma Iraqê de, Serokê Enstîtuya Lêkolînan a Rojhilata Navîn – MERI têkildarî beşdariya Serokê Herêma Kurdistanê û Serokwezîrê Iraqê di forumê de ragihand: “Di dawiya forumê de Serokê Herêma Kurdistanê û Serokwezîrê Iraqê dê bi van gotûbêjan re rûbirû bibin da ku bibînin ka nêrîna wan ji bo paşeroja Iraqê çi ye.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse