Hewlêr (Rûdaw) - Serokê Herêma Kurdistanê di çaremîn salvegera koça dawî ya Mam Celal de ragihand, “Mam Celal hêvîxwazê yekrêzî, tebayî û biratiyê bû ku kilîla serkeftina me ye.”
Serokê Herêma Kurdistanê Nêçîrvan Barzanî bi boneya çaremîn salvegera koça dawî ya Mam Celal, li hejmara xwe ya Twitterê peyamek belav kir.
Nêçîrvan Barzanî dibêje, “Îro di biranîna koça Serok Mam Celal de bi rêzdarî xebat û têkoşîna wî ya bo pêkanîna mafên gelên Iraqê û gelê Kurdistanê bi taybetî bibîr dixin. Mam Celal hêvîxwazê yekrêzî, tebayî û biratiyê bû ku kilîla serkeftinê ye. Yada we bixêr û giyanê we şad.”
Celal Husamedîn Nurullah Nûrî ku wek Mam Celal tê naskirin, sala 1933an jidayîk bû û Sekreterê Berê yê Yekîtiya Niştimaniya Kurdistanê (YNK) û Serokomarê Berê yê Iraqê bû.
Mam Celal sala 2012an ji ber celteya mejî bo Almanyayê hat veguhastin û li wir dihat dermankirin û roja 3ê Cotmeha 2017an jî li Almanya koça dawî kir.
ئە‌مڕۆ له يادی كۆچى سە‌رۆك مام جە‌لالدا بە ڕێزە‌وە یادی خە‌بات و تێكوشانیان بۆ ھێنانە‌دی مافە‌كانی گە‌لانی عیراق و گە‌لی كوردستان بە‌تایبە‌تی دە‌كە‌ینە‌وە. مام جه‌لال ئاواته‌خوازی یە‌كڕیزی، تە‌بایی و برایە‌تی بوو كە كلیلی سە‌ركە‌وتنمانە. یادە‌وە‌ریتان بە‌خێر و گیانتان شاد.
— Nechirvan Barzani (@IKRPresident) October 3, 2021
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse