Wezîrê Karên Derve yê Awisturyayê Alexander Schallenberg li ser ziyareta Serokê Herêma Kurdistanê Nêçîrvan Barzanî ya ji bo Viyanayê û hevdîtina bi Nêçîrvan Barzanî re da zanîn armanca wan pevguherîna bîr û boçûnan bû di warê ewlehî, koçberî, pêşketina aborî û enerjiyê ye.
Alexander Schallenberg li ser vekirina konsulxaneya Awisturyayê ya li Hewlêrê jî da zanîn ku dê bi hev re biryarê li ser wê bebatê bidin û di civînê de behsa vekirina konsulxaneyê jî hatiye kirin.
Wezîrê Karên Derve yê Awisturyayê Alexander Schallenberg ku di warê dîplomasiyê de hem li cihan û hem jî li Ewropayê kesekî gelekî çalak tê zanîn behsa rola Nêçîrvan Barzanî ya li herêmê kir û wiha got:
“Haya me ji rola siyasî ya bilind a Serok Nêçîrvan Barzanî û pêwendiyên wî yên bi Serokwezîr Sûdanî û bi kesayetên din ên Îraqê û herêmê bi giştî heye.”
Wezîrê Karên Derve yê Awisturyayê Alexander Schallenberg bersiv da çend pirsên Rûdawê.
Rûdaw: Awisturyayayê bi Serokê Herêma Kurdistanê Nêçîrvan Barzanî re behsa çi kir?
Alexander Schallenberg: Amanca me pevguherîna bîr û boçûnan gotûbêjkirina derfetên hevbeş bû bi Herêma Kurdistanê re di warên wekî ewlehî, koç, pêşxistina aborî û destpêkirina di warên enerjiyê de.
Her weha me behsa pêşhatên herêmî kir bi taybetî rewşa niha ya Rojhilata Navîn.
Rûdaw: Pêwendiyên baş ên Serokê Herêma Kurdistanê bi Bexdayê re û bi aliyên siyasî yên Herêma Kurdistanê û welatên cîran re hene. Dema Awisturya temaşeyî pêwendiyên bi Herêma Kurdistanê re dike gelo ev yek ji bo Awisturyayê girîng e?
Alexander Schallenberg: Em pabend in bi hebûna pêwediyên bihêz û demdirêj bi Bexda û Hewlêrê re. Di vê çarçoveyê de haya me ji rola siyasî ya bilind a Serok Nêçîrvan Barzanî û pêwendiyên wî yên bi Serokwezîr Sûdanî û bi kesayetên din ên Îraqê û herêmê bi giştî heye.”
Rûdaw: Meha borî keştiyeke penabaran li nêzîkî peravên Îtalyayê bin av bû û piraniya rêwiyên wê Kurd bûn. Gelo dê siyaseta Awisturyayê li hemberî penaberên Îraq û Herêma Kurdistanê çi be?
Alexander Schallenberg: Wê trajediyê em xembar kirin û fikira me li cem malbatên qurbaniyan e. Em bi hevbeşên xwe yên li Îraq û Herêma Kurdistanê pabend in ji bo rûberûbûna koça neyasayî. Awisturya pabend e ku rewşa penaberan were baştirkirin.
Ew pabendî beşeke li rêbazêke giştî ya ji bo alîkarî di warê ewlehehiya balkêş a li dijî rûberûbûna koçberiya ne yasayî, veguhestin û bazirganiya bi mirovan re. Di vî warî de hemahengiyeke me ye bihêz bi Bexda û Hewlêrê re heye.
Rûdaw: Pêwendiyên bihêz ên aboriyê di navbera Awisturya û Îraqê de hebûn. Plana Awisturyayê ya bihêzkirina pêwendiyan bi Îraq û Herêma Kurdistanê re çi ye?
Alexander Schallenberg: Îraq û Herêmê Kurdistanê bi giştî, herêmên taybet ên bazirganî û kar in. Di Îlona 2023yan de min Balyozxaneya Awisturyayê ya li Bexdayê vekir. Ev yek jî bû alîkar ku potansiyela bazirganî û derfeta bazirganî ya veberhênanê di navbera Awisturyayê ya bi Îraq û Herêma Kurdistanê re.
Di Îlona borî de dema ez hatim Hewlêrê min forûmeke aboriyê vekir û gelek kesên pêwendîdar jî hazir bûn. Kompanyayên Awisturyayê di warê bazirganiyê de bi hevbeşên xwe re rûniştin. Pêwendiyên aborî piştî wê baştir bûn. Ji sala 2013yan ve cara yekem e hecma pêwendiya me ya bazirganî 100 milyon dolarî derbas kiriye û beşeke zêde ya bazirganiyê bi bazirganên Herêma Kurdistanî re hatiye kirin.
Dema babet tê ser teknoloya taybet a parastina jîngehê û berhemên pîşesaziyê, jêrxana taybet a pêwendiyê, rûberûbûna qeyranan, dabînkirina amûr û keresteyên taybet ên vemirandina agir, Awisturya dikare bibe alîkar û gelek tiştan pêşkêş bike. Em dixwazin beşdarî ajandaya demdirêj a Hikûmeta Herêma Kurdistanê bibin.
Rûdaw: Çima Awisturya li Herêma Kurdistanê konsulxaneyê venake?
Alexander Schallenberg: Awisturya pêwendiyên xwe yên bi Herêma Kurdistanê re gelekî erênî dibîne û her tim li wan rêyan difikire ku pêwendiyên xwe bi Herêma Kurdistanê bihêztir bike. Di vê çarçoveyê de mijara vekirina Konsulxaneya Awisturyayê li Hewlêrê hat gotûbêjkirin û em dê bi hev re binirxînin. Her du alî di vî warî de bi şêweyekî ku ji aliyê her du aliyan ve were qebûlkirin dê li ser dîtina çareseriyeke bilez kar bikin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse