Hewlêr (Rûdaw) - Li gorî rapirsiya Navenda Lêkolînê ya Sosyo Polîtîkê, li Tirkiye û Bakurê Kurdistanê Doza Kurdan bandoreke neyînî li rewşa aborî dike û piştî pirsgirêka aborî pirsa herî girîng pirsgirêka Kurdan e.
Kordînatora Navenda Lêkolînê ya Sosyo Polîtîkê Yuksel Genç encamên rapirsiya derbarê “Bandora Pirsgirêka Kurdan a Li Ser Rewşa Aboriyê” eşkere kir.
Rapirsî di navbera 27ê Çiriya Pêşîn û 15ê Çiriya Paşîn a îsal de li 19 parêzgehan, li gel hezar û 358 kesan hatiye kirin.
Di rapirsiyê de gelek pirs derbarê bandora şer û tûndûtûjiyê li ser krîza aborî û bêkariyê hatine kirin.
Her wiha bandora Doza Kurdan a li ser krîza aborî û bêkariyê ji beşdaran hatiye pirsîn û rêjeyeke berçav di wê baweriyê de ne ku hebûna pirsgirêkan Kurdan bandoreke zêde li aborî û bêkariyê dike.
Encama rapirsiyê bi vî rengî ye:
Gelo şer, tundî û operasyonên derveyî sînor bandorê li krîza aborî dikin?
Belê: Ji sedî 37,3
Nexêr: Ji sedî 22,1
Hinek: Ji sedî 22
Nizanim: Ji sedî 18,4
Pirsgirêka Kurdan çiqasî bandorê li krîza aborî û bêkariyê dike
Zêde dike: Ji sedî 13
Hinekî dike: Ji sedî 34
Nizanim: Ji sedî 15,3
Nake: Ji sedî 20.8
Qet nake: Ji sedî 9
Pirsgirêka herî girîng a Tirkiyeyê çi ye?
Krîza aborî û bêkarî: Ji sedî 38,90
Pirsgirêka Kurdan: Ji sedî 9,50
Dadwerî: Ji sedî 9,10
Nebûna Demokrasiyê: Ji sedî 9,10
Şer û Tundî: Ji sedî 8,80
Sîstema Serokkomariyê: Ji sedî 6,80
Sîstema Perwerdeyê: Ji sedî 6,30
Nebûna Opozîsyonê:Ji sedî 5,20
Polîtîkaya Derve: Ji sedî 3,10
Koçber: Ji sedî 3
Ti Pirsgirêk Nîne: Ji sedî 8
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse