Heşt hunermendên Kurd wek rêzgirtin stranekê ji bo Seîd Gabarî dibêjin

Hewlêr (Rûdaw) - Heşt hunermendên Kurd ên Başûr û Rojavayê Kurdistanê ji bo rêzgirtin û weke dilsoziyekê, bi hev re stranekê ji bo hunermendê wefatkirî Seîd Gabarî dibêjin.

Çar ji wan hunermendan ji navçeya Zaxoyê, du ji wan ji bajarê Duhokê û du kes jî ji Rojavayê Kurdistanê ne.

Ew hunermend li ber Pira Delal li bajarê Zaxoyê li hev civiyane û amadekariya stranekê dikin, daku weke dilsoziyekê ji bo rehmetî Seîd Gabarî pêşkêş bikin.

Navê stranê, Oxira te ya Xêrê be ye, gotinên stranê Fewzî Doskî nivîsandine û awaza wê jî Welîd Yusif daniye

Seîd Gabarî, ku bi strana Bilbilê Dilşad a Seydayê Tîrêj zêdetir hate naskirin, sala 1956an ji dayîk bûbû û roja 5ê Gulana îsal li Hewlêrê koça dawiyê kiribû.

Serpereştê Berhemê, Nizar Koçer derbarê amadekirina wê stranê de ji Rûdawê re ragihand, ji ber ku Seîd Gabarî xizmeteke mezin a hunera Kurdî kir û stêrkek hunera Kurdî bû, wan xwast ku bi stranekê rêz li wî û keda wî bigirin.

Nizar Koçer got, wan projeyên din jî hene ku di demên pêş de dê pêk bînin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger