Bi beşdariya Cevdet Yilmaz Hevdîtina Cîhana Kar a Dêrsimê hat lidarxistin / Wêne: Rûdaw
Dêrsim (Rûdaw) - Li bajarê Dêrsîmê yê Bakurê Kurdistanê bi beşdariya Alîkarê Serokkomarê Tirkiyeyê Cevdet Yilmaz û hinek karsazan “Hevdîtina Cîhana Kar a Dêrsimê” hat lidarxistin.
Di civînê de pêşxistina sektora çandinî, ajeldarî, geştyarî û rawestandina koça bo derve hat gotûbêjkirin.
Alîkarê Serokkomarê Tirkiyeyê Cevdet Yilmaz got:
“Ciwanên me rûbirûyê pirsgirêka bêkariyê bûne. Nifûs neçar ma ku koç bike û kêm bû.
Lê niha rewşeke cuda heye. Dema em hatin parêzgarê me hinek cih nîşan dan.
Di demên pêş me de li van deran potansiyeleke mezin a ji bo geştyarî û geştyariya xwezayê bê nirxandin heye.”
Karsazên Dêrsimî jî dibêjin, dibe ku Dêrsim ji bo pêşxistina pîşesaziyê ne cihekî guncaw be lê potansiyeleke mezin a geştyarî û çandiniyê heye û divê bê bikaranîn.
Karsaz Alî Buyukdag got:
“Em dê girîngiyê bidin ajeldariyê, çandiniya organîk û geştyariyê. Ne pêkan e ku li vê derê pîşesazî bê kirin.
Li gorî lêkolînan milyonek û 50 hezar Dêrsimî li derveyî Dêrsimê û cîhanê dijîn.
Ji bo hatina wan a vê derê divê derfet bên dabînkirin. Em dê avahiyên baş ava bikin da ku werin li vê derê bimînin û pêwendiya wan bi vê derê re qut nebe.”
Ji aliyê din ve bi hatina biharê re çûn û hatina geştyaran li Dêrsimê zêde bûye.
Dêrsim ji bilî Gelî û Çemê Mûnzûrê û xwezaya xwe ya bedew, bi jiyana ajeldarên kovî jî bala geştyaran dikşîne.
Salan e bi deh hezaran geştyar ji bo dîtina xwezaya wê serdana Dêrsimê dikin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse